أنا جدع !!

تقدر تبقى كويس لو آمنت بده ..

كل حاضر بنعيشه ، هو نتاج أفكارنا الحالية وتجاربنا السابقة

وطبعا القدر اللى بيرسم مستقبلنا ..

بس الإنسان مخير مش مسير ..

يعنى أنت ليك دور ..

ليك دور فى السبق ده ..

أنت مش بتسابق حاجة غير نفسك !!

سابق الكسل

سابق التعب

سابق الظروف

سابق التحديات

سابق الوقعات

حتى النجاحات، سابق نفسك فيها .. أنت قوى

ولازم تعرف ان القوة مبتجيش فى يوم وليلة!!

هى آه جواك …

بس محتاجة تاخد وضعها عشان تظهر

مش هتظهر الا اما انت تسمح لها بده ..

تبقى قد التحدى تبقى عندك ثقة ان ربنا لازم يكون رازقك بقدرات معينة، لأنه ليك رسالة فى الدنيا…

ومهما وقعت ، تبقى واثق انه ما يقع الا الشاطر

هتتعب فترة

هتزهق و تمل وجايز كمان تفقد الشغف

بس لازم تفتكر ان الشاطر اللى بيضحك فى الآخر بعد ما ينجح فى اختبار الصبر ..

بس يصبر ويجتهد ويفوض الأمر ..

ومفيش أجمل من إحساس النجاح بعد الفشل

وإحساس القوة بعد الضعف

وإحساس الفرح بعد الحزن..

وطول ما أنت واثق ان ربنا مديك الـ 24

هتلاقى حاجات نقصت منك صحيح

بس ربنا مكملها بحاجات تانية

بس أنت ترضى يا صاحبي..