الشائع بين أنصار الزمن الجميل أنه كان زمناً لن يعاد مرة أخري.. فالنظرة الفاحصة للغناء الذى قدمه عمالقة العصر أو السينما أبيض فى أسود توضح لنا كيف عشنا هذا الزمان.
العادات القديمة التى عشناها من حب وتعاون مع الجيران وزيارة للأهل والأقارب فى الزمن الجميل.. كل هذا انتهى الآن وأصبح الموبايل أو التواصل الاجتماعى والصفة التى تجمع الناس سواء بالحب أو الكراهية أو الشائعات الكاذبة.
أصحبك الآن إلى الزمن الجميل زمن صلاح جاهين وماذا قال عن زمنه؟
أقول لك.. علشان ما تتلخبطش
هات لي.. زمااااان
وهات العمر من الأول
هات حبايبنا من تانى وهات العزوة واللمة
وهات الجيرة والصحبة
هات قلب ما يسودش وعيون جميلة ما تحسدش
وعيش وملح ما يتخانش
مش بنندم على اللى فات بس بنحن للذكريات
بنحن لعمر فات
بنحن لكل لحظة عشناها مع الناس العزاز
غصب عنا بندور فى الوشوش يمكن نقابل ناس
جميلة نطمن لها زى ناسنا زمان
أيام لما كانت القعدة ضحكتها تسمع
طالعة من القلب لا بنحسب لها حساب
ولا بنقيسها بالمقياس
كان كل حد فينا بيمد ايديه لصاحبه بيحضنه بكلامه ويدفيه بعينه
كان كل حد فينا خايف عالتانى وماسك فيه
فى الحقيقة غصب عنا بنعيش فى اللى فات
غصب عنا بنتمنى إن كل لحظة حلوة مرت علينا ترجع زى زمان
غصب عنا وحشنا الناس العزاز اللى كانوا لنا ضحكة الأيام
هات لى زمان
اجيب لك إيه وأنا جى
هات لى مخدة أحط عليها راسى وأنام
هات لى قلب يزعل بس يصفى قوام
هات لى حبيب فارقنى وباشوفه بس فى الأحلام
هات لى ساعة راحة بال وحبة فرح.. لو بريال
وهات اقفال اقفل بيها باب الحزن
وهات م الحب مليون حضن
هات لى معاك شوية صبر
وهات لى للخواطر جبر
هات صورة لذكرى فى قلبى محفورة
هاتى لى أمان وضحكة طالعة باطمئنان
أقول لك.. علشان ما تتلخبطش
هات لي.. زماااااان
وهات العمر من الأول
هات حبايبنا من تانى وهات العزوة واللمة
وهات الجيرة والصحبة
هات قلب ما يسودش وعيون جميلة ما تحسدش
وعيش وملح ما يتخانش
مش بنندم على اللى فات بس بنحن للذكريات
بنحن لعمر فات
بنحن لكل لحظة عشناها مع الناس العزاز
غصب عنا بندور فى الوشوش يمكن نقابل ناس
جميلة نطمن لها زى ناسنا زمان
أيام لما كانت القعدة ضحكتها تسمع
